കടല്‍

കരവെച്ചുകരയെടുക്കും കടല്‍

ഒതുങ്ങുന്നൊതോരോ ശംഖിലും...

പ്രതിധ്വനി

പ്രതിധ്വനി മന്ത്രിക്കുന്നത്
ഞാന്‍ നിന്നെയറിഞ്ഞേ
എന്ന് മാത്രം

കണ്ണാടി

വിശ്വസിച്ചവരേ ചതിക്കൂ
എന്നറിഞ്ഞതില്‍പ്പിന്നെ
കണ്ണാടി നോക്കിയിട്ടില്ല ഞാന്‍

മഹാനവമി

കുറിയ്ക്കുന്നു ഞാനീ മഹാനവമിയില്‍
ഭൂതതാളിലെ ചുവന്നമഷിയാല്‍
ഉയിരായ്‌ ജന്മം കൊണ്ട
ജ്വലിക്കുമെന്‍ മുറിവുകള്‍

എരിവുകളീ നാളില്‍
വരികളായ് തെളിയവേ
താരമായ്‌, പിന്നെ
മറവിയായ് തീരുമെന്നമ്മ

ഓര്‍മ്മകള്‍ മറവിതന്നാഴങ്ങള്‍
തേടുമീ നാളില്‍
കുറിയ്ക്കില്ല ഞാന്‍,നിന്‍ നാമവും
നീയാം മൌനവും....

ദാസിന്റെ അമ്മ -പി.എന്‍ .ഗോപികൃഷ്ണന്‍

ചില സങ്കടങ്ങള്‍ നമ്മെ ആനന്ദിപ്പിചേകാം,

വേദനിക്കുമെങ്കിലും....ഇന്നത്തെ മാതൃഭുമി വാരികയില്‍

പി.എന്‍ .ഗോപികൃഷ്ണന്‍ മാത്രുഭുമി വാരികയില്‍ എഴുതിയ ദാസിന്റെ അമ്മ എന്നാ കവിത

ഇത്തരത്തിലുള്ള ഒരു അനുഭവമാണ് ഉണര്‍ത്തിയത്.
മരണവീട്ടില്‍
മരണത്തിനുമാത്രമാണ്
മുഴുവന്‍ ജീവനുള്ളത്...
കവിതകളിലൂടെ സ്വന്തം തട്ടകത്തിന്റെ ചരിത്രം കുറിക്കുന്ന

പി.എന്‍ .ഗോപികൃഷ്ണന്റെ ഏറ്റവും പുതിയ ഈ കവിത അങ്ങേയറ്റം

മനോഹരവുമായിരിക്കുന്നു.
"കടലിന്നടുത്താണ് താമസം
അതിനാല്‍
പരിചയമില്ല
സ്വരനിഷ്ഠയു‌‍ള്ളോരു സംഗീതം
മുള്ളുതട്ടാത്ത രുചികള്‍ ...."

ഇതാണ് പി.എന്‍ .ഗോപികൃഷ്ണന്‍

email: pngopikrishnan@rediffmail.com

ഓര്‍മ്മകളുടെ ഓണം

ജന്മനാട്ടില്‍ ചെന്നു വണ്ടിയിറങ്ങവേ
പുണ്ണുതോറും കൊള്ളിവെച്ചപോലോര്‍മ്മകള്‍
വായ മുലയില്‍ നിന്നെന്നേക്കുമായ്‌ ചെന്നി-
നായകം തേച്ചു വിടര്‍ത്തിയോരമ്മയെ,
വാശിപിടിച്ചു കരയവേ ചാണകം
വായിലുരുട്ടിത്തിരുകും അമ്മൂമ്മയെ,
പപ്പടം കാച്ചുന്ന കമ്പി ചൂടാക്കിയെന്‍
കൊച്ചുതുടയിലമര്‍ത്തിയ ചിറ്റമ്മയെ,
പന്തു ചോദിക്കവേ മൊന്തയെടുത്തെന്റെ
നെഞ്ചത്തെറിഞ്ഞ പിശാചി അമ്മായിയെ,
പുത്തന്‍ കയറാല്‍ കമുകിലെന്നെപ്പണ്ടു
കെട്ടിവരിഞ്ഞ കിരാതനമ്മാവനെ,
മുട്ടന്‍ വടികൊണ്ടടിച്ചു പുറം പൊളി-
ച്ചട്ടഹസിച്ച കോപിഷ്ഠനാമച്ഛനെ,
പിന്നെപ്പിറന്നവനാകയാല്‍ എന്നില്‍ നി-
ന്നമ്മയെ തട്ടിപ്പറിച്ചോരനുജനെ,
തിന്നുവാന്‍ ഗോട്ടികൊടുക്കാഞ്ഞ നാള്‍ മുതല്‍
എന്നെ വെറുക്കാന്‍ പഠിച്ച നേര്‍പെങ്ങളെ,
ഒന്നിച്ചു മുങ്ങിക്കുളിക്കുമ്പോഴെന്‍ തല
പൊങ്ങാതെ മുക്കിപ്പിടിച്ച ചങ്ങാതിയെ,
ബഞ്ചിനുമേലെകയറ്റിനിറുത്തിയെന്‍
പിഞ്ചുഹൃദയം ചതച്ച ഗുരുവിനെ,
ആദ്യാനുരാഗപരവശനായി ഞാന്‍
ആത്മരക്തം കൊണ്ടെഴുതിയ വാക്കുകള്‍
ചുറ്റുമിരിക്കും സഖികളെക്കാണിച്ചു
പൊട്ടിച്ചിരിച്ചുരസിച്ച പെണ്‍കുട്ടിയെ,
ഉള്ളില്‍ക്കലിയും കവിതയും ബാധിച്ചു
കൊല്ലപ്പരീക്ഷക്കു തോറ്റുനടക്കവേ
ബാധയൊഴിക്കാന്‍ തിളച്ച നെയ്യാലെന്റെ
നാവു പൊള്ളിച്ചൊരാ ദുര്‍മന്ത്രവാദിയെ,
പൊട്ടിയെ കൈകൊട്ടിയാട്ടുന്നപോലെന്നെ
നാട്ടില്‍നിന്നാട്ടിക്കളഞ്ഞ ബന്ധുക്കളെ,
അന്നു ത്രിസന്ധ്യയ്ക്കു തന്‍ നടയില്‍ നിന്നു
വിങ്ങിക്കരഞ്ഞുകൊ ‘ണ്ടെന്നെ രക്ഷിക്കണേ’
യെന്നു തൊഴുകൈയുമായിരന്നെങ്കിലും
കണ്ണുതുറക്കാഞ്ഞൊരാപ്പെരുങ്കാളിയെ,എന്നും മറക്കാതിരിക്കുവനല്ലി ഞാന്‍
വന്നു പോകുന്നതിങ്ങോണദിനങ്ങളില്‍.

THE RACE FOR BIRTH

THE RACE FOR BIRTH

THIS IS THE STORY OF MY BIRTH...
I FOUGHT WITH MILLIONS
MILLIONS OF MY UNBORN BROTHERS AND SISTERS
I FOUGHT FOR LIFE BEFORE MY BIRTH

MY BIRTH WAS A BATTLE
ANYONE COULD HAVE RECEIVED LIFE
INSTEAD OF ME
THE SPERMS FROM MY FATHER
FOUGHT TO REACH MY MOTHER'S EGG
I WAS CONCEIVED
WHEN I RACED WITH MANY OF MY
UNBORN BROTHERS AND SISTERS
I AM THE WINNER

IN LIFE I DON'T HAVE TO STRUGGLE
AS MUCH AS I HAVE STRUGGLED FOR LIFE
I AM GREAT AND I BELIEVED IN ME
I CAN RUN AND WIN THE RACE
WITH ANYONE IN THIS LIFE
AS I HAVE WON THE RACE FOR BIRTH.

BY DR.T.P.SASIKUMAR
drtpsasikumar@gmail.com